“Karuyag ko nga makabulig para matagan hin maupay nga kinabuhi an mga taga Leyte ngan
amo ini an nag duso ha akon nga kumandidato ka gobernador hiton aton probinsya”.
Ini amo an naguin baton ni Philip Maceda 30 years old han Tanauan, Leyte han hiya in pakianhan han mga taga media han iya rason pag kandidato ka governor hiton Leyte.
Sumala pa kan Maceda nga waray gud dako pag bag-o nga natabo ha probinsiya ha luyo han maiha na nga panahon nga pag kapot han presente nga mga opisyales mahitungod nga tubtub yana damo la gihapon nga mga Leyteno iton nag aantos hin kakurian haira panginabuhi.
“Ako in nag tutuo nga damo nga mga oppurtunidad nga may ada iton probinsiya nga deri la natatagan hin importansiya”dugang pa ni Maceda.
Hi Maceda in in usa anay nga youth leader han hiya in estudyante ha Eastern Visayas State University ha Tacloban, naguin presidente han supreme student council ngan yana teacher han mao nga eskwelahan.
Mahitungod han pag file han iya COC hiya in nakatalaan nga mag file han iya resignation subay han guin lalarang han balaod.
Pamati han interview kan Philip Maceda.
