TACLOBAN CITY — Nagpapabilin la gihap nga waray pangilal-an an patay nga lawas han usa nga babaye nga lagas nga nakitan ha usa nga canal ha Brgy. San Roque, Culaba, Biliran.
Ginbabana-bana nga ada ha 60-70 an pangidaron han biktima nga nakasulot hin itom nga maong nga sarwal, itom nga sweatshirts nga may under shirt nga kolor busag nga may black stripe, 5ft an kahataas, brown complexion ngan halipot an buhok.
Sumala kan SPO4 Isidro Ancero han Culaba PNP, nga basi han ira ginbuhat nga imbestigasyon may mga kabataan nga nakakita nga nahulog an mao nga lagas ha usa nga halarom nga canal.
Ha pagkayana in iginlubong la anay an patay nga lawas tungod nga waray la waray nagkuha an patay nga lawas hini.
