Mahitungod han ka limitado han kadamoon han moderna nga bakuna nga umabot ha aton nasud deri pa ma babakunahan an mga empleyado han mga pribado nga negosyante ha probinsiya han Leyte ngan siyudad han Tacloban.
Sumala kan Eugene Tan an presidente han Philippine Chamber of Commerce and Industry han Leyte ngan Tacloban ha interview haiya ni Eduard Sanagan han 99.1 RMN Tacloban nga para la hin singkwenta ka tawo an pwede ma bakunahan han moderna bisan kon ha luyo nga para hin tres mil katawo an gin palit han ira grupo o 6,000 doses nga na kantidad hin 10 million Pesos.
Mahitungod nga waray man sumugot an pharmaceutical company nga unta mag dadara han mao mga bakuna ha rehiyon tungod han ka gutiay la hini, an interesado nga magpa bakuna in makadto ha Solaire Resort and Hotel ha Manila kay aadto an pag pa bakuna sumala pa kan Tan.
Gin sumat pa ni Tan nga bangin hiton bulan pa han Agosto posible nga umabot an mas damo nga bakuna han Moderna hinungdan nga mag huhulat anay an pipira nga mga negosyante ngan han ira mga empleyado para ma bakunahan.
Mahinunumduman nga porlominos 200 thousand la an umabot nga moderna ha Pilipinas ngan gin bahinbahin la ini han magka lainlain nga rehiyon pero 13 million doses an pinalit han gobyerno ngan waray pa eksakto nga bulan kon san-o gud makaka abot an mas damo nga supply han bakuna.
