TACLOBAN CITY – Paslak yana an usa nga Most Wanted Person ha bungto han Villareal, Samar mahuman ini nga madakop han Kapulisan ha Baranggay Parasanon, Pinabacdao, Samar.
Ginkilala an suspek nga hi Rolly Cabigayan, Alias Olik, ada ha igo nga pangidaron, Number 7 MWP han Villareal Samar.
Sumala kan PCInsp Cerilo Apetin, Hepe han Sta Rita MPS, nga nadakop an mao nga suspek mahuman nga mayda magtiktik ha ira nga mga informant.
Hi Olik in mayda Standing warrant nga gin-isyu ni Hon Janet Cabalona han RTC BR 33 Calbiga Samar para han kaso nga Robbery with Homicide.
Waray naman pyansa nga ginhatag para han kaso han mao nga suspek.
Samtang ha pagkayana in nagpapabilin ini ha Sta Rita MPS.
