Agud la maka bulig nga makabalik ha normal an pag dumara han mga negosyo ha Siyudad han Tacloban ngan probinisya han Leyte pabor nga pumalit hin bakuna kontra han covid virus para han iya mga trabahador hi Eugene Tan an presidente han Philippine Chamber of commerce and Industry (PCCI) Tacloban-Leyte Chapter.
Sumala kan Tan nga iya gihapon kukumbinsiron an iya mga igkasi negosyante ma miemro man han PCCI o deri nga pumalit hin bakuna para han ira mga empleyado agud maka bulig han gobyerno nga maibalik ha normal an sitwasyon han ekonomiya han nasud.
Kon ma babakunahan an mga empleyado makakablik na ini haira tagsa-tagsa nga mga trabaho, mabalik na liwat ha normal an pag negosyo han mga negosyante kon diin dako hin duro nga pabor para hiton ekonomiya hiton rehiyon mahitungod kay iton Tacloban amo iton sentro hiton rehiyon otso sumala pa kan Tan.
Guin sumat ni Tan nga an mga hotel ngan restaurant sugad man an sektor han transportasyon amo an grabe nga na apektuhan han pandemya han covid mahitungod han limitado la nga mga tawo nga pwede sumakay han mga sarakyan, kumaon ha mga restaurant ngan an umukoy ha mga hotel.
An pag kaada na hin bakuna kontra han covid in mag hahatag hin paglaum nga mas maguiguin maupay it sitwasyon hiton ekonomiya deri la ha rehiyon otso kundi ha bug-os nga Pilipinas hiton masunod nga tuig 2021 dugang pa ni Tan.
