Pipinturahan la anay an mga poste han LEYECO II samtang nga deri pa na bababalhin agud ma likyan an disgrasya ha kadalanan.
Ini an guin sumat ni Engineer Fernan Tan an General Manager han Leyte II Electric Cooperative Inc. ha interview han 99.1 RMN Tacloban ha programa nga “Straight to the point ni Eduard Sanagan.
Sumala kan GM Tan nga waray pa magka sarabot an Leyeco II pinaagi National Electrification Administration (NEA) ngan han Department of Public Works and Highways (DPWH) parti han pag aabagahon nga gastos han pag balhin han mga poste ngan sugad han mga materials nga gagamiton ngan an income nga ma wawara ha kooperatiba ha panahon nga mapaparong an kuryente kon ibabalhin na an mga poste.
Ma sobra usa ka gatos nga mga poste an ibabalhin ngan porlominos magastos hin mga 11 million ka pesos an Leyeco II ha poste pala nga gagamiton deri pa upod an iba nga mga materyales ngan han mga tawo nga mag tratrabaho sumala pa kan Engineer Tan.
Mahitungod han mga road widening nga proyekto han DPWH damo nga mga poste han LEYECO an aada yana ha sakob han mga kakalsadahan nga posible maguin hinungdan hin digrasya.
Han nakalabay pala nga semana duha ka tawo nga sakay hin motorsiklo in namatay kahuman nga bumungo han poste han kuryente ha Babatngon, Leyte.
