Ha padayon nga pag damo han bag-o nga mga kaso han covid-19 ha rehiyon otso okupado na an mga kuarto para han mga pasyente han covid ug sugad man an mga Intensive Care Units (ICU) bedsd ha Eastern Visayas Regional Medical Center (EVRMC).
Ini an gin sumat ni Atty. Rodolfo Penalosa an tag yakan han EVRMC ha interview ni Eduard Sanagan han 99.1 RMN Tacloban ha programa nga “Asenso Rehiyon Ko”. Pero gin klaro ni Atty. Penalosa deri karuyag sidngon nga deri na makarawat hin pasyente nga mayda covid an hospital kon ini in kinahanglan nga ma admit labi na kon grabe iton kabutangan hiton pasyente.
Mahitungod hini magdudugang hin 18 nga ICU beds iton hospital ug sugad man mga contractual nga nurses nga amo iton mag babantay hiton mga pasyente hit covid nga kinahaglan isulod ha ICU sumala pa kan Atty. Penalosa.
Yana nga adlaw han sabado June 6, 2021 mayda 219 nga mga bag-o nga kaso han covid-2019 an gin report han Department of Health dinhe ha rehiyon otso.
