Napili han mga miemro han 19th congress hi Leyte first district representative Ferdinand Martin Romualdez kumo Speaker han House of Representatives ha pormal nga pag abri han sesyon han kongreso yana nga adlaw Hulyo 25, 2022.
Ha sobra tresyentos nga mga miemro han House of Representatives 283 an bumutos pabor kan Roualdez , 26 liwat an waray mag patsipar han botasyon ngan usa la an waray bumutos haiya.
Hi Romualdez nga first cousin ni Presidente Ferdinand Marcos Jr. in ika tulo nga nagin speaker nga taga rehiyon otso. An siyahan amo an iya uncle nga hi Daniel Z. Romualdez nga first cousin han iya nawara nga tatay nga hi Benjamin “Kokoy” Romualdez nga nagin speaker tikang han tuig 1957 to 1962 . An ikaduha amo hi Nicanor Yniguez nga nagin speaker tikang han tuig 1984 tubtub 1986 ha panahon ni anay presidente Ferdinad Marcos Sr.
An kapili ni Martin Romualdez kumo speaker in baga sugad nga pormalidad nala mahitungod nga ha pag lingkod mismo ni Presidente BongBong Marcos gin endorso han mga ka alyado hini ha kongreso an pag pili kan Romualdez kumo speaker han 19th congress.
Hi Speaker Romualdez in anak han nawara nga anay governor han Leyte ngan ambassador ha China ngan Amerika nga hi Benjamin “Kokoy” Romualdez.
