Agud malikyan an pag sarang han African Swine Fever (ASF) sobra 400 nga mga baboy in pinan matay ha bungto han Abuyog.
Ini an guin sumat ni Francis Rosaroso an tag yakan han Department of Agriculture – 8 kahuman nga mag positibo han ASF an mga samples nga guin kuha tikang han mga Baboy ha Barangay Can-aporong ngan Canmarating han mao nga bungto.
Pinaka siyahan an bungto han Abuyog nga may nag positibo han African Swine Fever deri la ha rehiyon otso kundi ha bug-os nga visayas.
An mga pinan matay nga mga baboy in sakob han “500 meters radius” nga na tikang han pito nga mga barangay nga amo an masunod Can-aporong, Canmarating, Bunga, San Isidro, Layonsawang, Buenavista ngan Dingle. Samtang guin lubong an mga baboy ha barangay Cadac-an.
Babayaran han local government han Abuyog an mga tag iya han baboy nga pinan matay ha kantidad nga singko mil pesos para hadton mga dagko na ngan tag dos mil pesos naman para hadton mga gudti pa sumat pa ni Rosaroso.
Dida han kataposan nga semana pa han Desiyembre han nag labay nga tuig nga kon diin mayda mga nagka matay nga mga baboy han mao nga bungto pero na hisabutan la nga an hinungdan ha kamatay han mga ini in ASF dida la han siyahan nga semana han enero yana nga tuig kahuman nga mag pagawas na hin laboratory results an Bureau of Animal Industries han mga blood samples nga tikang han duha nga barangay han Abuyog.
Ha Pagka yana padayon nga nag dudumara hin mahugot nga pag bantay an Department of Agriculture ngan han local government han Abuyog agud ma pugngan an pagsarang han mao nga virus.
