“Generally Peaceful” an pag tapo han bag-o nga tuig 2020 ha bug-os nga rehiyon otso.
Ini an guin sumat ni Police Lt. Col. Bella Rentuaya an spokesperson han Police Regional Office – 8 ha interview haiya han 99.1 RMN Tacloban ha programa nga “Straight to the Point” ni Eduard Sanagan.
Sumala kan Rentuaya mayda la 17 nga kaso parti hin illegal nga pag baligya hin mga firecrackers ha bug-os nga rehiyon ngan usa nga kaso hin pag pabuto hin pusil hin usa nga hubog nga tawo ha Tabango Leyte.
Waray liwat miemro han Philippine National Police nga nag pabuto han iya service firearms sumala pa kan Rentuaya.
Han January 6 nakatalaan nga bulkason an pag pailarom han bug-os nga nasud ha red alert status kasumpay han selebrasyon han pasko ngan an pag tapo han bag-o nga tuig.
