Samtang damo pa nga mga panimalay iton waray serbisyon hiton tubig ngan kon ma mayda man in deri supisiyente Haros singkwenta porsyento hiton water production han Leyte Metropolitan Water District (LMWD) han tuig 2018 in nakarag la.
Ini in na diskubrihan han Commission on Audit (COA) han guin dumara nira nga audit ha LMWD.
61 Million Pesos an kantidad han tubig nga nakarag o kon 46 percent han ira total water production, mas hataas ini hin 16 percent han guin tutugot nga “None Revenue Water” han Local Water Utilities Administration nga dapat 30 percent la.
Bisan kon humabobo hin 1 percent an “None Revenue Water” han LMWD kumpara han 2017 audit findings nga 47 percent hataas la gihapon ini.
Subay han audit report han COA nga an total water production han 2018 in 23 Million Cubic Meters pero 12 Million Cubic Meters la an may nakuha nga income samtang mga 10 Million cubic meters an nakarag la.
Sumala han management han LMWD nga pira han mga rason han na kakarag la nga tubig in mahitungod han mga daan ngan dumog na nga mga linya han tubig, ngan an ka guba han iba pa nga linya han tubig mahitungod hiton nag papadayon nga pag ayad hiton mga tulay ngan ka kalsadahan ngan an deri ka record han mga transaction han LMWD ha Leyte Academic Center.
An COA dida han 2017 nga audit report in nag mando na han management nga mag submitter han ira plano pag pahabubu han na kakarag la nga tubig pero guin abtan nala han utro nga audit waray pa makagsubmiter an LMWD.
