Isumat.com/Pebrero 15, 2022
Nagin mabidoon an adlaw han kasingkasing para hin usa nga pamilya han malumos an ira lolo ha Inopacan, Leyte, kakulop, Pebrero 14, 2022.
Ginkilala an biktima nga hi Romeo Bibat, 68 anyos, inasaw-an ngan nag-uukoy ha Brgy Apid han nasabi nga bungto.
Subay han report han Inopacan PNP Station, pasado alas 11 han aga han makakarawat hira hin impormasyon nga may lalaki nga iginsampig ha baybayon han barangay.
Ginpanginano han kapulisan an nasabi nga nga report ngan nagdumara hin kadagmitan nga imbestigasyon nagresulta han kakilal-i han biktima.
Dida han inisyal nga imbestigasyon, gintotoohan nga nag-antos hin atake ha kasingkasing an biktima samtang nananagat hinungdan han iya kalumos.
Gintalinguha pa nga dad-an ha hospital hi Bibat pero an attending physician in nagdeklarar nga dead on arrival an biktima.
Waray naman nakita nga foul play dida han insidente an mga imbestigador.#
