Puede na mag apply hin permit adton karuyag mag tinda han aabrihan nga night market.
Guin sumat ni Joel Bugho an Market Superintendent ha interview han 99.1 RMN Tacloban nga” first come first serve” basis an patakaran han ira pangarawat han mga aplikante ngan mayda na ini katugotan tikang ha opisina han city licensing han siyudad.
An mga mag aaply hin permit in kinahanglan nga kumadto la ha iya opisina nga nahimumutang ha merkado publiko han Tacloban.
Mayda lima nga sections an night market ngan ini in nag lalakip han mga masunod: dry goods, mga prutas ngan utanon, delicacies ngan sugad man lugar para han mga nagbabaligya hin barbecue.
Naka talaan nga abrihan an night market buwas adlaw hiton byernes ngan guin lalauman nga maguiguin fully operational na ini sunod nga semana.
Ha kasumapy nga notisya, guin aandam na liwat an lugar ha sulod han shopping center nga pag babalhinan han mga sidewalk vendors nga na apektuhan han padayon nga clearing operation.
