Titikangan na han provincial government of Leyte an pag dumara hin “rapid testing” ha mga tawo nga suspetsado nga may covid virus labi na kon mayda na gin papakita nga sintomas han an mga persons under investigation (PUI)
Ini mahuman nga magkaada han pinaka siyahan nga kaso han covid virus ha probinsiya han Leyte nga usa nga babaye nga taga bungto han Buraen nga mayda travel history ha Guam.
Ini an gin sumat ni Leyte Governor Leopoldo Dominico Petilla ha interview haiya han 99.1 RMN Tacloban ha programa nga “Straight to the Point”.
Sumala kan Governor Petilla nga an testing in pag dudumaraon ha mga hospitals nga gin dudumara han probinsiya sugad man ha mga rural health units ha magka lalain nga munisipyo han Leyte.
An pagdumara han rapid testing in porlominos mag hahatag hin sayo nga impormasyon kon an usa nga pasyente in mayda infection bisan kon maagi pa ini hin usa nga testing pag kumpirmar kon ini in mahitungod han covid virus.
An pinaka siyahan nga nag positibo han covid ha probinsiya han leyte nga yana in aada na ha Eastern Visayas Regional Medical Center (EVRMC) in gin pailarom anay han mao nga rapid testing nga kon diin nag positibo ini han presensiya han mga “anti bodies” haiya lawas rason nga ini in guin pailarom dayon han covid testing sumala pa kan Governor Petilla.
Pamati han interview para han iba pa nga mga detalye.
