Tikang hadton july 2016 ngada han May 2019 umabot na hin 101 an mga namatay han guin dumara nga anti illegal drugs operation han mga kapulisan ha rehiyon otso.
Ini an guin sumat ni Police Colonel Joker Guanso an regional chief han Internal Affairs Service han Police Regional Office – 8 ha interview han 99.1 RMN Tacloban.
An hinungdan han kamatay han mga suspect mahitungod nga umato an mga ini ha mga otoridad ha mga guin dumara nga anti illegal drugs operations.
kasumpay hini, tikang han January tubtub July 2019, 127 liwat nga mga miemro han Philippine National Police an guin pasakahan hin kaso administratibo mahitungod han mao nga mga insidente.
Pamati han interview kan Police Colonel Joker Guanso para han iba pa nga detalye.
