Na rikupo han Bureau of Fisheries and Aquatic Resources-8 (BFAR)an maabot hin 420 ka kahon hin mga imported nga isda nga natikang pa ha China.
Ha interview han RMN Tacloban kan BFAR Director Juan Albaladejo iya guin sumat nga tulo nga mga truck an kinargahan han mao nga mga isda tikang ha Navotas Fish Port nga ibabaligya unta ha mercado han Tacloban.
Sumala pa kan Albaladejo nga subay hiton balaud an mga factory la hin sardinas an guin tutugotan mag import hin isda ngan deri in bisan la hin-o an mag transport ngan mag baligya ha mga ini ha mga mercado.
Guin tutuohan nga mga reject na an mao nga mga isda ngan delikado kaunon han publiko.
Aada na ha kustodiya han Tacloban Police an mga pahinante ngan driver han mga truck ngan naka talaan nga kasohan hin administratibo ngan kaso kreminal.
Upod nga kakasohan an tag iya han mao nga mga isda nga mga kilala nga fish dealer ha Tacloban.
Multa nga 200 mil ka pesos ngan ka prisohan nga 6 ka bulan ngadto ha dose ka tuig an hino man nga matalapas han mao nga balaud sumala pa kan Albaladejo.
Pamati han interview kan Director Albaladejo para han iba pa nga mga detalye.
