Kon ikaw in mag papaayad han imo guba nga sapatos, mag papa duplicate han susi o kon mag papa ayad han imo relo, deri na nimo ma kikit-an an imo suki nga para ayad ha mga sidewalk han Tacloban mahitungod kay ini hira in ibabalhin na ha bag-o nga pwesto.
Ini in may pag hisumpay han padayon nga clearing operation han city government han Tacloban han mga sidewalk ngan iba pa nga lugar nga guin tatag iyahan han gobyerno.
kon ikaw liwat in mahilig mag “ukay-ukay” o kumaon hin barbecue , mayda na liwat bag-o nga lugar nga imo kakadatuan para mamalit ngan magpa halibway.
Guin sumat ni Mr. Joel Bugho an bag-o nga Market Superintendent nga ira na guin aandam an pag bubutangan han mga gudti nga mag pakarabuhi nga na apektuhan han clearing operation.
Sumala pa kan Bugho nga an sulod nga parti han Tacloban Shopping Center in gagamiton para han mga vendors nga nag titinda duranti han adlaw ngan mag kakada na hin night market para han mga vendors nga gab-i la liwat an mga pakabuhi.
An Quezon Boulevard nga harani ha,Tacloban Public Market an lugar para han pag titindugon nga night market sumala kan pa Bugho.
pamati han interview han 99.1 RMN Tacloban kan Joel Bugho ha programa nga “Straight to the point” ni eduard Sanagan para han iba pa nga detalye.
