Deri ka- karawaton han siyudad han Tacloban an mga housing units (Pabahay) han mga biktima han Bagyo Yolanda ha nortnern Barangays kon waray sunda an program of works and specifications ngan development plan nga guin submitter han mga contractor ha pag himo han mga ini.
Ini an guin sumat ni Tacloban City Mayor Alfred Romualdez ha interview haiya han 99.1 RMN Tacloban ha programa nga “Straight to the Point” ni Eduard Sanagan.
Sumala kan Romualdez nga haiya pag balik kumo mayor han siyudad priyoridad niya nga maguin maupay iton pag ukoy han mga biktima han bagyo Yolanda nga nag uukoy han mao nga mga housing units pero deri karuyag sidngon nga kakarawaton nala han siyudad an responsabilidad bisan kon deri eksakto an pag develop han resettlement site han mga contractor.
Bisan kon an kontrata pag develop han resettlement sites in ha butnga han National Housing Authority (NHA) ngan han pribado nga mga contractor may ada gahum ngan responsibilad an siyudad nga masiguro nga eksakto an ka trabaho ngan talwas nga ukyan han mga binipisyaryo dugang pa ni Romualdez.
Usa nga pa ngingina-noon han mayor an mga kalsada ngan drainage system mahitungod kay upod ini han kontrata pag develop han mga resettlement sites.
Mayda 1,400 housing units nga para han mga biktima han bagyo Yolanda nga guin himo han NHA ha siyudad han Tacloban, pero lima na ka tuig an nag labay waray pa ini ka tutuhay.
