Guin singit la an iya ngaran han listahan han mga narco politicians, ngan deri tinuod nga hiya in protector han illegal nga droga. Ini an guin sumat ni Leyte 3rd District Congressman Vicente Veloso ha interview haiya han 99.1 RMN Tacloban.
Ini an rason kon kay ano nga nangaro hiya hin bulig ha korte suprema han hiya in mag salawad han “petition for the issuance of writ of habeas data” agud ma limpyohan an iya ngaran.
Hi Veleso in nahiupod dida han listahan han mga opisyal han gobyerno nga may kalabutan han illegal nga droga nga guin anunsyo ni Presidente Duterte hadton nag labay nga bulan han marso.
Sumala pa kan Veloso nga hi Philippine Drug Enforcement Agency (PDEA) region 8 Director Edgar Jubay mismo an nag pamatuod nga waray rason para mahi upod hiya han mao nga listahan mahitungod nga hiya in kabulig han PDEA ha kampanya kontra han illegal nga droga.
Kon hin-o liwat an mga reponsable han pag singit han iya ngaran han listahan han narco poligicians, hiya in nag sumat nga usa nga politiko ngan undersecretary ngan deri la anay niya pag nga ngaranan.
Dida han naglabay nga byernes nag palusad an korte suprema hin kamanduhan han mga ahensiya han gobyerno nga may kalabutan an pag imbestiga han mga opisyal nga nahidadabi han illegal nga droga nga mag pagawas han mga ebidensiya nga ira guin basehan han pag hiupod han ngaran ni Veloso han mga narco politicians.
Pamatii han interview kan Congressman Veloso.
