Baga sugad nga patakaran na hiton adminstrasyon hit mga Romualdez iton pag binarobaralyo hin mga opsiyal hiton siyudad ha Tacloban ha iba-iba nga mga pwesto ha city hall.
Tikang han pag retiro ni Salvador Buddy Estudillo kumo TOMECO Chief damo na an lumiwan han iya pwesto pero puro designated o deri ngani concurrent capacity la.
Panaglitan, hi Brando Bernadas nga City Disaster Risk Reduction and Management officer naguin TOMECO Chief han panahon ni Mayor Cristina Romualdez, sugad man kan Boy Camposano nga City Agriculturist guin appoint ni Mayor Alfred Romualdez han iya pag balik ka Mayor han siyudad nga waray ngani mag duha ka semana tikang ma appoint guin liwanan ni Engineer Dionisio de Paz nga yana amo na iton concurrent TOMECO Chief.
Waray na ba iba nga tawo ha city hall o outsider nga kualipikado nga pwede mag apply para han mao nga posisyon para may focus ngan continuity iton pag patuman hiton mga programa han mao nga opisina?
Ngan deri la ini ha TOMECO natatabo kundi ha iba pa nga opisina ha city hall.
Pinakianhan hi Engineer de Paz han isumat.com kon ano an iya masesering hini nga iya appointment ngan kon ano iton iya na babaruan parti hiton traffic management.
Pamati han interview haiya.
