Ha padayon nga pag hataas han kaso han Dengue ha bug-os nga Pilipinas, deri ma lilikyan nga ipakiana kon pwede pa ba gamiton an dengvaxia kumo bakuna?
Hi Presidente Rodrigo Duterte in nag pahayag nga abri pa hiya han posibilidad nga utro gamiton an mao nga bakuna ha kondisyon nga kon ini in ig rerecomenda han mga pilipino nga eksperto ha medisina.
Hadton adlaw han huebes hi Department of Health (DOH) Secretary Francisco Duque in bumisita ha siyudad han Tacloban agud panginanoon an sitwasyon han mga kaso han Dengue ha rehiyon otso kumo usa han mga rehiyon nga may pinaka hataas nga kaso han mao nga sakit.
Usa han mga guin iristoryahan han guin dumara nga Press Conference an posibilidad han utro nga pag gamit han Dengvaxia kumo solusyon han padayon nga pag hinitaas han kaso han Dengue.
Pamati han iya baton parti hini nga isyu.
