Kinahanglan nga bag-uhon na iton probisyon han balaud nga nag tatakda hin singko pesos nga gagastoson han kandidato ha barangay kada botante durante han barangay election mahitungod kay “Obsolete” na ini.
Ini in sumala kan Atty. Nick Mendros an Regional Director han Commission on Election (COMELEC) ha rehiyon otso ha interview han RMN Tacloban.
Sumala pa kan Director Mendros nga gutiay na hin duro an balor han aton salapi yana kon ikukumpara hadton tuig 2001 han kahimo nga balaod Republic Act 9006 o an Fair Election Act.
Pero kay mahitungod nga ini amo iton guin lalarang hiton balaud waray iton comelec mahihimo kundi ipatuman ini sumala pa kan Mendros.
Iya pa guin klaro nga an gahum pag bag-o hini nga balaud in deri aada ha comelec kundi ha kongreso.
Pamati han interview kan Comelec Director Mendros han programa nga “Straight to the point” ni Eduard Sanagan han 99.1 RMN Tacloban.
