Tatagan hin additional nga allowance an mga 4P’s beneficiaries tinikangan Enero yana nga tuig kumo bulig han gobyerno hiton epekto han bag-o nga mga ka buruhisan ha ilarom han Tax Reform for Acceleration and Inclusion (TRAIN) labi na an pag umento han presyo han mga papliton.
Ini in labot la han ira daan na nga nakakarawat nga financial assistance ngan rice allowance tikang ha gobyerno pinaagi han Department of Social Welfare and development.
Ini in Sumala kan DSWD-8 Regional Director Restituto Macuto ha interview han 99.1 RMN Tacloban ha programa nga “Straight to the Point” ni Eduard Sanagan.
Labot la han mga 4P’s benificiaries, mayda gihapon financial assistance nga ihahatag ha mga indigent senior citizens ngan para hadton mga persons with disabilities.
Pamati han interview kan DSWD-8 Director Restituto Macuto.
