Usa nga gin-aalegar nga lider han mga rebelde New People’s Army ha Northern Samar an namatay ha usa nga engkwentro kontra han mga tropa han gobyerno.
Ginkilala an suspetsado nga hi Salvador Nordan, nga may mga alias nga Badok ngan Gahi. Sumala han impormasyon, hi Nordan an nangungulo han Sub-Regional Command Emporium han mga rebelde nga kumunista.
An suspetsado in namatay han igkasurapo an iya grupo han mga elemento han 803rd Infantry Brigade han Philippine Army ha usa nga barangay ha Catarman, Northern Samar.
Nakuha tikang hini nga lider han mga rebelde in usa nga kalibre 45 nga pistola, mga bala ngan mga subersibo nga dokumento. #
