Isumat.com/ Nobyembre 23, 2022
Mag-aantos hin kawaray suplay hin kuryente an bug-os nga Coverage Area han LEYECO II hit Domingo, Nobyembre 27, 2022.
Ini in tikang alas 6 hit aga tobtob alas 6 hit gab-i (12 hours), subay han pahayag han tagdumara han Electric Cooperative nga nakakasakop han Tacloban City, Palo ngan Babatngon.
Ini nga power interruption in subay han schedule han National Grid Corporation of the Philippines (NGCP) han ira mga aktibidadis.
An rason hini nga power interruption amo an pagliwan hin mga poste, insulators, cross-arms ngan correction han ACSR Loop Jumpers ha Babatngon-Arado 69kV Line; ngan annuan preventive maintenance han Abucay Capacitor Bank Station. #
