Tacloban City – Na recover na han Tacloban Police Office an service firearm ni SPO4 Dennis Ruben Diaz an nag suicide nga miemro han PNP.
Duha nga Pedicab Driver nga nakilala nga hira Rolando Malate ngan Benidicto Dillo nga mga taga San Jose han siyudad han Tacloban an nakita ha CCTV footage nga kumuha han Pusil ni SPO4 Diaz nga kahuman ini mag pakamatay dida han ma agahon han November 14, 2017 harani han panimalay han iya bugto ha marasbaras nga dapit han Tacloban.
Sumala han Imbestigasyon han mga kapulisan nga an pusil la an guin interesan han mga suspetsado mahitungod nga waray labti an personal nga mga gamit hini.
Sumala kan Chief Inspector Rex Cantillep Waray mag diwara an duha nga mga suspetsado han ira pag kuha han pusil han hira in kumprontahon han mga pulis.
Guin aandam na an kaso nga ipapasaka han mga suspetsado.
Pamati han interview kan Chief Inspector Rex B. Cantillep han programa nga “Straight to the point” ni Eduard Sañagan han 99.1 RMN Tacloban . isumat.com
