Waray ka sunod hin eksakto an protocol han pag dara han mga pasyente nga suspetsado nga May covid virus hinungdan nga nagka ada hin exposure han mao nga virus an mga health workers han Eastern Visayas Regional Center (EVRMC)
Imbes nga ha daan nga EVRMC ha Magsaysay Boulevard ha siyudad han Tacloban pag dadad-on an mga pasyente ngadto han bag-o nga EVRMC ha cabalawan guin dara an mga ini.
Ha interview han 99.1 RMN Tacloban kan Dr. Lory Ruetas an tagyakan han EVRMC Hiya in nag sumat nga nag kulang hin koordinasyon kon hain dapat dad-on an mga pasyente Kay unta dapat guin tatawag anay ha Regional Epidimiology Surveilance Unit han Department of Health O ha EVRMC Mismo kon mayda pasyente nga dada-on ha hospital para matagan hin Igo nga impormasyon kon diin nga hospital dadad-a.
Guin klaro liwat ni Dr. Ruetas nga bisan kon an daan nga EVRMC an referral hospital han mga covid cases, daan la hira nag andam hin lugar ha EVRMC Cabalawan kon pananglitan matabo nga May mga pasyente nga dada-on ngadto.
19 nga mga health workers han EVRMC an nag positibo han covid virus nga nag lalakip hin mga doctors ngan nurses ngan yana isolated ini hira ngan padayon an guin dudumara nga contact tracing.
