TACLOBAN CITY – Ginpasaka na an kaso nga Homicide ha suspek han pumatay han usa nga lalaki ha Port Area ha Baranggay 1&4, siyudad han Tacloban
Ginkilala an suspek nga hi Roger Hiralo y Baoy, 30 anyos, single, laborer ha Tac Port Area ngan residente han Brgy 60, Aslum, Sagkahan, Tacloban City.
Samtang an biktima naman in hi Edget Estorco y Vidal, Taga Negros Occidental ngan nagtratrabaho ha Mandaue Dew Foam Construction Site ha Marasbaras.
Sumala kan PSI Marjorie Manuta, bag-o nga Tagapagyakan han Tacloban City Police Office (TCPO) nga ginpasaka na ha City Prosecutors Office an mao nga kaso.
Nabaruan nga tikang ha irignom an grupo ni Hiralo ngan tungod ha kahubugan in tigda la nga ginkastigo an mao nga biktima.
“Sumala han report waray apparent reason an pag pataya han biktima.. Umagi la an biktima ngan han iya mga upod kahuman mag inum ngan tigda nla hra gintapo ngan guin kastigo han suspetsado”, sumala kan PSI Manuta
Atlarge naman an duha nga kaupod han suspek nga ginkilala nga hira Ronnel Corre Duroy ngan Patrick Villanueva, waray mga trabaho residente of baranggay 37 Seawall Tac City, Basey Samar.
Yana in aada na ha kustodiya han mga pulis an suspetsado
