200 ka tawo na ha bug-os nga rehiyon an na tapnan han covid virus sumala han pinaka bag-o nga datos tikang ha Department of Health ngan kadam-an hini in tikang ha probinsiya han Leyte.
Mahitungod hini nag hangyo hi Leyte Governor Leopoldo Dominico Petilla ha National inter-Agency Task Force nga magpa bilin ha Modified General Community Quarantine (MGCQ) an probinsiya han Leyte.
Ha interview haiya han isumat.com hiya in nag sering nga deri na gud ka pupug-ngan an pag biyahe han mga tawo tikang ha magka lain-lain nga lugar han Pilipinas nga mauli ha rehiyon, pero kon mag papa bilin an leyte ha MGCQ porlominos mayda pa control hiton mga borders hit probinsiya para hadton mag kaka sulod Tikang ha iba nga lugar.
Sumala pa kan Petilla nga normal la iton ka baraka han padayon nga pag saka han kadamoon han mga tawo nga nag kakaada han virus pero hiya in nag patapod nga under control iton sitwasyon mahitungod nga mayda na kita mga testing centers ngan mga quarantine facilities nga pag bubutangan han mga pasyente labot la han pag dumara hin libre nga rapid testing han hin-o man nga tawo nga mayda sintomas parehas han sakit nga nga dara han covid.
Hiya in nag pa hinumdum ha ngatanan nga mag Tuman han mga health protocols sugad man an pag sunod han ordinansa han probinsiya nga nag mamando hadton ngatanan nga mauli ha leyte nga mag pasabot ngan mag pa rehistro haira tagsa tagsa nga mga munisipyo agud malikyan an pag sarang han virus ha mga komunidad.
May multa ngan ka prisohan an dire masunod hini nga balaod dugang pa ni Petilla.
