Ma hulat ako hiton resulta han imbestigasyon san-o ako mag hatag hin pahayag May pag hisumpay han pan hitabo ha Leyte Provincial Hospital nga kon diin 4 nga mga health workers in nag positibo han covid virus.
Ini an guin sumat ni Leyte Governor Leopoldo Dominico Petilla ha interview han isumat.com parti han pahayag ni Dr. lesmes Lumen an provincial health officer nga an deri pag sunod han safety protocol han usa nga nursing attendant an posible nga ira na kikita nga rason kon Kay ano nga nagka ada hin covid an mao nga mga health workers.
Sumala kan Petilla nga mahitungod nga usa pa manla ini nga theory aadto hiya ma basi hiton resulta han imbestigasyon kon Ano an iya hihimo-on nga pitad parti han mao nga insidente.
Nahi una hini guin sumat ni Dr. lumen nga sumala han iya nakarawat nga impormasyon tikang ha LPH nga usa han mga nursing attendant an nakig istorya han covid positive nga taga bungto han Alangalang nga waray sul-ot nga personal protective equipment nga posible amo an hinungdan han ka tapni han mga health workers han hospital.
Pabor naman hi Petilla han suhestiyon ni Dr. lumen nga ma nawagan hin mga volunteers kon kinahanglan mag dugang hin mga health workers an probinsiya labi na nga mayda na mga health workers nga nag positibo han virus pero gudman pag aadman pa ini hin maupay depende hiton sitwasyon sumala pa kan Petilla./DUARD SAÑAGAN
