Isumat.com/8:17AM, May 28, 2020
Waray na naka-admit ha Eastern Visayas Regional Medical Center (EVRMC-Magsaysay,Tacloban) nga pasyente nga positibo han ginkakahadlukan nga corona virus.
Hi Dr. Lory Ruetas, Information Officer han hospital in nagsumat nga naka-recover ngan nakagawas ha ha EVRMC an ngatanan nga COVID Positive nga gintambal dida han facilidad. Pero mayda pa pito nga pasyente nga naka-confine ha iba nga hospital ngan Community Isolation Units didto ha Samar.
An nabibilin yana nga aada ha EVRMC-Magsaysay in 19 nga Suspected Cases nga nagpapamulat han resulta han confirmatory test han ira swab samples. An EVRMC-Magsaysay in mayda kapasidad para hin 75 ka tawo nga puede durungan nga ig-confine tungod han corona virus.
Samtang, malipayon naman nga nagpasabot an Samar Provincial Hospital ha Catbalogan nga nakagawas na ha hospital hi Eastern Visayas Patient # 19 nga taga Tarangnan. Ini in dara kay duha na ka beses nga nagnegatibo an iya sample.
Ini nga pasyente in igbabalhin ha Recovery Facility ha Tarangnan ngan didto nala niya huhulaton an ikatulo ngan final testing. Kun mag negatibo pa an final test ha iya, igkokonsiderar na hiya nga Fully Recovered ngan puede na igka-urusa han komunidad.
Dida han nasabi nga bungto, 23 ka tawo an natapnan han makamaratay nga kagaw. Padayon pa nga ginpapasunod an Enhanced Community Quarantine dida han munisipalidad ngan mayda duha nga barangay an naka Total Lockdown. # (KEVIN SIOSANA)
