Waray pa klaro kon ipapadayon pa an panhatag han Social Amelioration Program han Department of Social Welfare and Development Regional Field Office 8 (DSWD-8) tubtub hiton bulan han Mayo.
Ha interview han isumat.com kan DSWD-8 Regional Director Marie Angela Gopalan hiya in nag sumat nga waray pa nira nakarawat nga kamanduhan tikang ha central office kon ini ba in ipapadayon tubtub hiton bulan han Mayo subay han nauna nga plano o kon deri na labi na nga an region 8 in aada nala ha General Community Quarantine.
Sumala pa kan Director Gopala nga kon makabalik na ha trabaho an mga na apektuhan han lockdown possible nga deri na ini hira tagan han gobyerno pero ini in madepende pa gihapon hiton desisyon han Inter Agency Task Force.
Kon pananglitan ipadayon pa an pan hatag han ayuda deri liwat pa liwat hiya sigurado kon amo la gihapon nga listahan han mga beficiaries an gagamiton dara nga possible mayda mga pag bag-o han mga makaka karawat han mao nga ayuda mahitungod han validation nga pag hihimoon han DSWD.
Ha pagkayana padayon an panhatag han ayuda han mga kwalipikado nga benificiaries han han SAP ha bug-os nga rehiyon pero mayda na mga Local Government Units nga nag surat ha DSWD nga na ngangaro hin extention mahitungod nga deri hira makaka tuman han talaan nga petsa nga amo an Abril trienta nga kinahanglan mahuman na an pan hatag han mao nga ayuda pinansyal.
