Isumat.com/Mayo 6, 2021
Usa nga kaapi han Armed Forces of the Philippines, Senior High Student ngan usa nga babaye an nagkadadakop han mga otoridad ha magkalainlain nga Anti-Illegal Drugs Operations ha Tacloban City ngan Southern Leyte.
Hadin Mayo 4, an Grade 12 student ginkilala nga hi Renz Barola in na-aresto ha Brgy Ichon, Macrohon, Southern Leyte ha operasyon han mga operatiba han PDEA. Nakumpiskar tikang han suspetsado in lima ka sachet hin gintotoohan nga marijuana.
Ha iba nga drug bust bust, an mga PDEA Agents in nakasikmit kan Sgt Allan Aldy Siangco, miembro han AFP, ha iya balay ha Kassel Homes, Abucay, Tacloban City.
Usa ka sachet hin gin-aalegar shabu an nakuha tikang han suspetsado nga ginkokonsiderar nga High Value Target han PDEA. Balor hin 1,335 pesos an droga nga narekupo tikang han suspetsado.
Hadton pasado alas 3 han kulop, Mayo 5, an mga elemento han Tacloban City PNP Drug Enforcement Unit in nakasikop han suspetsado nga hi Marina Quilobio didto ha NorthHill Arbor, Brgy 106.
Hi Quilobio in 38 anyos, waray asawa ngan waray trabaho.
Syahan nga nakuha tikang ha iya an usa ka sachet hin gin-aalegar nga shabu ngan nakumpiskar in kadugangan nga walo ka sachet kantidad tanan hin 10 Mil pesos.
An nasabi nga mga suspetsado nga nakapaslak ha karsel ngan nakatalaan maatubang han mga kaso kontra ha ira. # (with report from Noel Sianosa/MRN-NTS)
