Baga sugad nga guin reserba para kan anay La Paz Leyte Mayor Lesmes Lumen an posisyon nga provincial health officer ha probinsiya han leyte kahuman ini nga tudlokon ni Leyte governor Mic Petilla ha mao nga posisyon.
Hi Lumen in usa nga medical doctor ngan nagserbe nga mayor han La Paz ha sakob hin 18 anyos ngan 9 anyos liwat kumo miemro han Sanguniang Panlalawigan han Leyte.
Ha interview haiya han 99.1 RMN Tacloban ha programa nga “Straight to the Point” iya guin sumat an iya mga plano sugad han pag pakaupay han mga hospitals nga guin dudumara han probinsiya usa na dinhe an pag dugang hin mga empleyado para han mao nga mga hospitals kumo pangandaman hag pag patuman han universal health care law. Epektibo an iya appointment hadton July 1, 2019.
San-o an appointment kan lumen, an Leyte Provincial Health office in guin dumara ni Dr. Ofelia Absin kumo officer in charge.
hi Lumen in kilala nga supporter han Petilla Political Dynasty.
