Yana nga panahon nga makuri iton kuarta ngan mahal na iton mga papliton importante nga an mga mamaralit in deri ma lilimbungan hiton mga negosyante labi na ha mga pan mamalit ha mga merkado publiko.
Ha siyudad han Tacloban gin sumat ni Romelo Anade an bag-o nga na lingkod nga Market Superintendent nga haros mga otsenta y singko porsyento hiton mga timbangan in deri ngani expired iton “calibration sticker” ini in mga depektado.
Ini an iya na hibaruan haiya pag dumara hin tig-daay la nga inspeksyon ha mga tindahan ha merkado publiko ha panuyo nga ma proteheran an interes han mga man maralit.
An mga timbangan in kinahanglan nga e-calibrate kada unom ka bualan agud ma siguro nga eksato an kundisyon hini ngan bubutangan hin sticker pag pamatud nga ini in calibrated na.
Mayda liwat mga tindahan nga tag duha an timbangan ngan an usa amo an ginagamit kon deri nag lilibot an mga market inspectors para mag inspection.
Iya pa na hibaruan nga mayda mga personalidad nga nag tatag iya hin tag walo nga pwesto ngan igin ngangaran la ha iba nga tawo sugad man mga ka pamilya.
Mahitungod hini, karuyag ni Anade nga makig istorya ha mga miemro han Sangunian Panglungsod han Tacloban agud magka ada hin mahugot nga penalidad han mga ma talapas parti han mga regulasyon han timbangan han merkado publiko han Tacloban.
An Market Code han Tacloban in na ipasa hadton tuig 1986 pa nga na kinahanglan na nga ini in bag-uhon hiton sangunian.
