Deri corona virus an hinungdan han kamatay han 53 anyos nga lalaki nga taga Tacloban City.
Ini an ginkumpirmar han DOH-Regional Office. Umabot na tikang ha Cebu an resulta han sample hini nga PUI ngan negatibo ini ha COVID-19. Namatay ini nga lalaki usa ka adlaw tikang hiya masulod ha hospital hadton Abril 1. Pero nadelatar an pag-abot han resulta han iya testing ngan kagab-i pala umabot an resulta.
Iginlubong na ini nga lalaki pagkabuwas dayon tikang hiya bawi-an hin kinabuhi.. Nagdurot ini hin pagsarang hin mga fake news ngan hurobhurob nga an corona virus an hinungdan. An final diagnosis ha iya in Diabetic Ketoacidocis..
Kasumpay hini, utro nanawagan an DOH nga deri magpinagawas hin buwa nga mga impormasyon an publiko. Nagpapabilin nga waray pa nag positibo nga tawo nga nag-uukoy ha Tacloban City.
An DOH in nagpadara kakulop hin bag-o nga 22 nga samples ha Cebu para han laboratory testing.#
(Posted 11:10 AM, April 7, 2020)
