TACLOBAN CITY – Nagkakarigo na han iya kalugaringun dugo han makit-an han mga kag-anak an ira 19-anyos nga College Student.
Subay ha nakalap nga impormasyon han Isumat.com, ginpahayag han pamilya han biktima nga hi Jay Paolo Cabantac, residente han Baranggay 91 Abucay, nga naglilimpyo la ini han iya kalugaringon nga pusil ugsa nga matabo han insidente.
Namangno daw ini han makabati hin buto hin pusil.
Han pagpanginano nira in didto na nahibaruan nga napusil ni Cabantac an iya kalugaringon.
Sumala kan PSInsp Daniel Polo, Hepe han Abucay PNP, nga posible nga nabul-iwan an pusil subay han hulagway han kag-anak durante han ira nahibatian ugsa an trahedya.
Gindara pa ini ha Hospital pero gindeklara naman nga Dead-on-arrival han mga attending physician.
Basar ha Medico legal, nakag-angkun ini hin Igo ha Ulo nga naging rason han iya dayun nga kamatayun.
