Waray pa guidelines nga guin pagawas an Commission on Higher Education Central office parti han pag suspend han klase han mga state colleges and universities ngan mga pribado nga mga eskwelahan ha rehiyon otso ini in ha luyo han mga panawagan nga mag suspend na han mga klase mahitungod han mga pagkabaraka nga mag sarang an COVID-19 virus
sumala kan Gabino Petilos an head han Student Services division han CHED-8 nga nag pakiana na hira haira central office pero waray pa advisory nga guin pagawas parti han pag suspend han klasi.
ha pamakiana han isumat.com kan Petilos kon mayda ba gahum an mga presidente han mga eskwelahan nga mag lugaring pag suspend han klasi bisan kon waray pa guidelines nga guin pagawas an CHED, hiya in nag sumat nga deri pa hiya klaro parti hini nga issue.
Nahiuna hini, nag suspend na hin klasi an Eastern Visayas Estate University pinaagi han Memorandum No. 03-02-2020 nga nag mamando hin suspension han trabaho ngan klase dida hiton Marso 16, 2020 (Lunes) basi mag sanitize han mga classrooms, activity areas ngan mga opisina han unibersidad.
An Biliran Province State University (BiPSU) in nag-anunsyo gihapon hin waray klase ha ira unibersidad tikang dida hiton Marso 12 tobtob Marso 15, 2020. Dida hini nga mga adlaw, an natutungdan nga mga personales han eskwelahan in maghihimo hin sanitation ha ira unibersidad.
