Isumat.com/Hulyo 7, 2022
Naawat an kinabuhi hin usa nga Barangay Chairman ha bungto han Biliran, Biliran han bun-on hiya didto mismo han barangay nga iya nasasakupan kakulop, Hulyo 6, 2022.
Ginkilala an biktima nga hi Roberto Yapan, kapitan han Brgy Julita han nasabi nga bungto. Hiya in namatay tungod han mga binun-an ha magkalainlain nga parte han iya lawas. Igindeklarar han mga doktor ha Biliran Provincial Hospital nga dead on arrival hi Yapan.
An suspetsado in ginkilala naman nga hi Jene Balce, 36 anyos , ngan residente gihapon han nasabi nga barangay.
Hapagkayana, an mga otoridad in nagpapadayon han ira paghalpat kan Balce nga kumalagiw katapos mabuhat an krimen.
Usa han mga anggulo nga gintututukan han mga imbestigador an personal nga dilito o deri pagka-asya ha butnga han gintatahapan ngan biktima. #
