Isumat.com/9:47AM, Pebrero 17, 2021
Nahipaslak ha karsel ngan mag-aatubang hin kaso an usa nga kagawad hin barangay nga gin-alegar nagtigbas hin usa nga lalaki ha Tolosa, Leyte hadin nakalabay nga adlaw.
Sumala han police report, an gintigbas in ginkilala nga hi Joaquinito Palana, 62-anyos, usa nga construction worker. Ginkilala naman an suspetsado nga hi Polito Robedillo, 55-anyos, kagawad han Brgy Canmogsay han nasabi nga bungto.
Nagpapakita an imbestigasyon nga samtang nagmamaneho han iya motorsiklo hi Palana, tigda nala umulpot hi Robedillo ngan gin-iikatirigbas an nagmamaneho han motor gamit in sundang.
Nakalikay hi Palana ngan nakadalagan pagpahirayo tikang han kagawad.
Nakumpiskar tikang han suspetsado an armas nga may kahilab-on nga 19 pulgadas. Personal nga deri pag-asya gintutudlok nga motibo hini nga panhitabo. #
