Isumat.com/8:15PM, June 12, 2020
Ha kasaysayan han COVID-19 ha Sinirangan Bisayas, nahirehistro yana nga adlaw an gidadamu-i nga tawo tikang han rehiyon nga natapnan han virus. Ha adlaw han Independiencia, nahiludlod an rehiyon han deri pakagawas han kagaw kay 42 an nahipatik nga bag-o nga kaso.
Dida han latest update tikang ha DOH Regional Office, an bag-o nga 42 nga Positive Cases amo an masunod:
Macrohon, Southern Leyte 1 nga kaso; 2 ha Padre Burgos, So, Leyte ; 1 tikang ha Hilongos, Leyte; 1 tikang ha La Paz, Leyte; 1 an Taclobanon; 17 ha Alangalang, Leyte; 5 an tikang ha Bato, Leyte; 2 an taga Gandara, Samar; 11 tikang ha Dagami, Leyte; ngan 1 an taga Almeria, Biliran.
An mga bungto han Macrohon, Padre Burgos, Bato, Alangalang, Gandara, Dagami ngan Almeria an nahidugang han mga munisipalidad nga may mga residente nga nadarahigan han kagaw.
An DOH Regional Office in maghahatag pa hin kadugangan nga detalye kasumpay hini nga mga bag-o nga kaso ha maabot nga mga oras.
Ha kabug-usan sumaka na ha 132 katawo tikang ha Eastern Visayas an kumpirmado nga natapnan han COVID-19. # (KEVIN SIOSANA)
