Isumat.com/9:46PM, June 13, 2020
Lumanat pa an bungto han Palo, Leyte yana nga gab-i han mga lugar ha Eastern Visayas nga mayda positibo han corona virus.
An Divine Word Hospital Laboratory in nagpagawas hin resulta hin confirmatory tests ngan 1 an taga Palo, Leyte. Lalaki ini nga nag-eedad hin 24 anyos.
May nahidugang liwat nga usa nga pasyente ha Tanauan, Leyte. Tikang hiya ha Cebu nga na-stranded nga taga Tanauan.
Temprano pa yana nga gab-i, nagreport an DOH nga mayda 66 nga bag-o nga nagpositibo han virus dida han mga resulta tikang ha EV Regional Testing Center. Nagsumat gihapon an ahensya nga 35 na nga pasyente an naka-recover tikang han sakit.
Hinungdan hini, 200 na katawo ha Rehiyon Otso an kumpirmado nga natapnan han virus. #
