Iginmando ni Mayor Alfred Romauldez nga waray klase ha ngatanan nga levels ha pribado ngan pampubliko nga eskwelahan ha syudad han Tacloban tikang buwas, Biernes, Marso 13 tobtob Marso 20, 2020.
Ini in subay han iya ginpirmahan nga Executive Order No. 2020-03-014 nga ginpagawas pasado alas dos han kulop, yana nga adlaw, Marso 12.
Nagsering hi Romualdez nga ini nga pitad han syudad in basi makabulig pagpugong han paglarab han COVID-19 ngan ini in nasusubay han kaladnganan han State of Public Health Emergency nga gin-implementar ha bug-os nga nasud.
Kasumpay hini, an City Government in nag-aawhag han ngatanan nga mga opisina ngan mga eskwelahan nga magdumara hin sanitation ha ira tagsa tagsa nga lugar. #
