TACLOBAN CITY – Patay an usa nga babayi mahuman nga uminom ini hin pesticide ha bungto han Hilongos, Leyte.
Ginkilala an biktima nga hi Aurelia Pole Lamo, 57 anyos, may asawa ngan residente han Sitio Cantiga, Brgy. San Roque, Hilongos, Leyte.
Subay ha inisyal nga imbestigasyon han mga otoridad nga gin kompronta anay an biktima han iya mister nga ginkilala nga hi Mario ngan anak nga hi Noel may kalabutan han gin aatubang hini nga kaso.
Subay ha Kapulisan han Hilongos nga posible an gin aatubang hini nga kaso problema an hinungdan han pagpapakamatay hini.
Nabaruan nga ha mismo sakob han simbahan han mao nga bungto gin-inom han biktima an pesticide nga Furadan 3G nga nagin hinungdan han dayon nga kamatay hini./isumat.com Photo courtesy: Hilongos PNP
