Isumat.com/9:15AM, May 16, 2020
Namatay in usa nga babaye ha Almagro, Samar han malumos ini samtang naglalangoy dida han mamadlos nga kadagatan harani han baybayon ha ira lugar.
Ginkilala an biktima ngahi Liezel Elaborera, 34 anyos, ngan nag-uukoy ha Barangay Malobago han nasabi nga bungto.
Dida han inisyal nga imbestigasyon, samtang ginbabayo an Samar ni Ambo, hi Albolera in nagtagay-tagay ug han hubog-hubog na hiya, nagdesisyon nga maglangoy-langoy dida han dagat harani han baybayon. Gindagmalan hiya han dagko nga mga balud ngan nawara ha kalalawdan.
Natad-an han mga baryohanon an patay nga lawas han biktima nga gintotoohan nga nalumos paghagos hin usa ka adlaw.
An kapulisan in padayon nag-iimbestigar kun mayda ba foul play nga hinungdan dida hini nga insedente. # (KEVIN SIOSANA)
