Usa nga leksyon nga nga kinahaglan mahibaruan han mga tawo ha panahon hiton mga kalamidad an pag sunod han mando han gobyerno ha pag evacuate ha mga lugar nga peligroso para han mga tawo.
Sumala kan Tacloban City councilor Leo Bahin an Chairman han committee on Public Order and Safety han Sanggunian Panglunsod nga amo ini an leksyon nga iya nahibaruan han pag lasurbo han bagyo yolanda unom na ka tuig an nag labay.
Ha interview han 99.1 RMN Tacloban guin sumat ni Councilor bahin nga mga 60 ka tawo an namatay haiya barangay ngan mga 200 liwat nga mga patay nga lawas an nahi sangyad haiya barangay kahuman han bagyo yolanda.
Kon tumood la unta an mga tawo han mando han mga opisyal han barangay nga mag evacuate ha talwas nga lugar labi na adton nag uukoy harani han ka baybayunan deri unta sugad kadamo an namamatay han bagyo yolanda.
Parti naman han pag balhin han mga pamilya nga padayon nga nag uukoy harani han kadagatan han tacloban, ngadto han mga permanente nga mga relocation sites hiya in nag sumat nga padayon ini nga ipapatuman han siyudad pero kinahanglan nga sigurohon anay han National Housing Authority (NHA) nga an mga panimalay nga ira guin himo nga deri mga “sub-standard” ngan talwas nga ookyan han mga biktima han bagyo yolanda.
