Padayon nga nakikig bisog hiton iya kinabuhi hi Police Chief Inspector Joseph Young kahuman ini pan mumusilon hin waray pa maki lal-i nga suspetsado kanina han pasado alas siete han aga ha atubangan mismo han ira panimalay ha Barangay Buri Palo, Leyte.
Upod ni Chief Inspector Young an iya anak ha sulod han sarakyan han matabo an ambush pero ini in naka talwas han mao nga insidente.
Sumala han Hepe han Palo PNP nga hi Chief Inspector Joemen Collado ha interview han isumat.com nga nakatalaan nga ipa ilarom hin mga operasyon an biktima kahuman ini nga maka angkon hin tulo nga igo hin bala ha magkalain lain nga parti han iya lawas.
Hi Chief Inspector Young in na destino anay ha Ormoc City Police Office kumo chief han anti illegal drugs unit san-o hiya na assign ha regional command han PNP-8.
Pamatii an interview kan Chief Inspector collado para han iba pa nga mga detalye.
