Guin aandam na an mga dokumento para han kaso nga isasampa ha Ombudsman kanda Calbayog City Mayor Ronaldo Aquino, Vice Mayor Diego Rivera ngan unom nga mga miemro han Sanggunian Panglungsod.
Ini in kasumpay han resolusyon nga guin pasa han Sanggunian Panglungsod han Calbayog nga nag dedeklara kan Senior Supt. Nicholas Torre an provincial director han Samar provincial police office nga “persona non grata” mahitungod han deri hini paka solbar han mga kaso hin pan matay ngan an pag ugop daw ni torre ha pira nga mga politiko ha samar.
Ha interview kan Provincial Director Torre hiya in nag sumat nga hiya mismo iton mag sasampa han reklamo ha ombudsman mahitungod han pag abuso han poder han mao nga mga opisyal han ipasa an mao nga resolusyon.
Sumala kan Torre nga waray hiya mag pasibaya han iya trabaho ngan waray kamatuoran nga may pinapanigan hiya nga mga politiko ha Samar.
Pamati han interview kan Samar Provincial Police Office Director Senior Supt. Nicholas Torre.
