Samtang an gudti nga mga negosyante in obligado lumukat hin business permit kada tuig, an van-vans transport services booking office in sugad-sugad nga exempted hini nga obligasyon.
Sumala kan Mr. Eduardo Cadavis an officer in-charge han Business Permit and Licensing Office han siyudad han Tacloban nga subay han ira record waray business permit an van-vans ha maiha na nga panahon hini nga operation.
Bag-o la liwat ini nga nakakuha hin Legislative franchise agud makag operate hin transport terminal tikang ha Sanggunian Panglungsod han siyudad, nga karuyag sidngon maiha na liwat nga illegal an operation han ira terminal.
Pebrero la han yana nga tuig natagan hin franchise an van-vans pero waray pa liwat ini mag bayad han franchise fee ha city government.
An van-vans in guin tatag-iyahan han pamilya ni former Tacloban city councilor Tata Granados.
Pamati han interview kan Mr. Eduardo Cadavis han isumat.com.
