TACLOBAN CITY — Samaran an tulo nga mga menor de edad ngan usa nga barangay kagawad mahuman nga ma bunggo an ira ginsasakyan nga motorsiklo ha Purok Kalabasa,Brgy. Lamak bungto han Hilongos, Leyte.
Nakilala an mga biktima nga hira John Lester Mabalatan Dorias,16-anyos, Mark Vincent Opolentisima Lusuegro,15 -anyos, Paulo Judilla Fulache,16-anyos ngan an baranggay Kagawad nga hi Cesar Zamora,51-anyos.
Ha ginbuhat nga imbestigasyon han mga kapulisan nahibaruan nga matabok na unta ha National Highway hi Baranggay Kagawad Zamora han tigda nala ini nga nabunggo han motorsiklo nga ginmamaneho-an han mga menor de edad.
Waray daw makaghatag hin sinyales an mao nga mga menor de edad rason para direkta ini nga ma igo ha motorsiklo nga ginsasakyan han baranggay kagawad.
Pareho nag-angkon hin mga samad ngan bun-og ha lawas sugad gihap samad ha ulo an mga ini nga kun diin padayon naman nga gintatambal yana ha Ospital./isumat.com
